"Берасцейская Вясна"

12.03.2010
Берасцейская арганізацыя АГП адмовілася ўдзельнічаць у «выбарах»

Фармаванне ўчастковых выбаркамаў паказала, што ўлада не справілася з тэстам на сумленнасць, дэмакратычнасць і празрыстасць выбараў.

Як паведаміў БелаПАН старшыня структуры Мікалай Коўш, берасцейскай абласная арганізацыя Аб'яднанай грамадзянскай партыі не будзе ўдзельнічаць у мясцовых выбарах, такое рашэнне прынята на працоўнай нарадзе рады абласной і берасцейскай гарадской арганізацый АГП увечары 11 сакавіка.

Паводле слоў Каўша, разгледзець гэтае пытанне радзе даручыла абласная партыйная канферэнцыя, якая адбылася 28 лютага, у выпадку неўключэння прадстаўнікоў партыі ва ўчастковыя выбарчыя камісіі.

«З сямі вылучаных намі актывістаў у такія камісіі ў Берасці ўключана толькі два. Прычым адмоўлена тым, хто мае самы вялікі досвед удзелу ў выбарчых кампаніях, - сказаў Коўш. - На ўчорашнім паседжанні рады мы прыйшлі да адзінага меркавання не ўдзельнічаць у выбарах, пры гэтым даўшы магчымасць кожнаму патэнцыйнага кандыдату, члену нашай арганізацыі, прымаць рашэнне самастойна».

Як адзначыў палітык, у вобласці АГП планавала «змагацца за 14 дэпутацкіх мандатаў».

«Фармаванне ўчастковых выбаркамаў паказала, што ўлада не справілася з тэстам на сумленнасць, дэмакратычнасць і празрыстасць выбараў, - заявіў палітык. - У прыватнасці, праўдзівасць заяваў аб фармаванні камісій усіх узроўняў зыходзячы з прынцыпаў прафесіяналізму і досведу ўдзелу канкрэтных асоб у выбарчых кампаніях».

http://charter97.org/be/news/2010/3/12/27275/

Падпісацца на навіны

Супрацоўніцтва

Нацыянальны фонд падтрымкі дэмакратыі прымае заяўкі на ўдзел у праграме 2011-2012 г.

Памятныя даты Беларусі

Каляндар памятных дат Беларусі

Гарачая навіна

2010.09.03 ЗАЯВА аб выхадзе з сябраў Партыі БНФ

2010.05.17 Зварот да выбаршчыкаў кандыдата ў дэпутаты Вялічкіна Уладзіміра Аляксандравіча

Збор паштовак

Берасцейцы - дзеячы БНР

Web-admin © 2010. Усе правы належаць праваабарончаму грамадскаму аб'яднанню "Берасцейская вясна".
Усе матэр'ялы свабодныя для не камерцыйнага выкарыстання.
Пры перадрукоўцы спасылка на крыніцу абавязковая.

Наведвальнікаў on-line: 6 Сёння: 10 За месяц: 128 За ўвесь час: 3960