Прадстаўнікі акруговых выбарчых камісій у Баранавічах пачалі “праверку” сапраўднасці подпісаў у падтрымку незалежных кандыдатаў. Так, сябры акруговай выбарчай камісіі Баранавіцкай-Заходняй выбарчай акругі №5 пайшлі па кватэрах тых, хто паставіў подпіс у падтрымку Мікалая Чарнавуса.

 “Хадакі” дапытваюцца ў выбаршчыкаў – ці насамрэч яны ставілі подпісы ў падтрымку прадпрымальніка М. Чарнавуса, просяць распісацца на асобным лісце, каб зверыць подпіс. Больш таго, -- патрабуюць, каб людзі далі пісьмовыя тлумачэнні – у які час і дзе дакладна чалавек ставіў свой подпіс за спадара Чарнавуса. Гэта насцярожвае людзей, некаторыя ў час “візітаў” членаў выбарчых камісій да іх у кватэры гавораць: “Ды я ўвогуле не пайду галасаваць!”

“Праваабаронцы за свабодныя выбары”

http://spring96.org/be/news/24002/